ایک کروڑ روپے کی شراب ضبط، پانچ اسمگلر گرفتار

اتر پردیش میں پرتاپگڑھ ضلع کے تھانہ پٹّی کوتوالی پولیس و ایس ٹی ایف نے مشترکہ کارروائی میں گزشتہ جمعرات و جمعہ کی شب پنجاب سے اسمگلنگ کرکے لائے گئے کروڑوں روپے لاگت کی دیشی شراب ایک ٹرک سے برآمد کرکے پانچ اسمگلروں کو گرفتار کیا ہے۔پولیس ترجمان کے مطابق پٹّی کوتوالی پولیس اور ایس ٹی ایف



نے مشترکہ کارروائی میں گزشتہ شب چاندہ روڈ پر بن پوروہ گاؤں کے نزدیک پنجاب سے اسمگلنگ کر کے لے جائی جا رہی شراب کی کل ایک ہزار پیٹی برآمد کرکے تیجندر سنگھ ،ہرجیت سنگھ و سکھونت سنگھ پنجاب ،صوبیدار یادو و انیل عرف وکیل سمیت پانچ اسمگلروں کو گرفتار کیا ۔برآمد شراب کی قیمت تقریباً ایک کروڑ روپیہ ہے۔